لبيه ياسحر الكلام اللي سمعته من بعـيـــــــد
لبيــــه ياوجـــــه القـــمــر لبـيـه يابــدر السمــا
صوتك يدفي مسمعي لو كنت في ثلج وجليد
طفل ٍ تقـول أمــه تعـال أسرع وبالحضن ارتمـا
ياأصدق حروف العشق ياأعذب أبيات القصيد
ان كان ما شافــت عينــي ياعساهــا للعـمـا
والله غرامك ياغلا مجــراه فـي وســط الوريــد
ويعيش في وسط العروق اللي خلت منها الدما
متى ياعمري نلتقي ونعاند الوقت الشــديــد
وأروي ضما شخص ٍ يحبك مات من كثر الضما
ودي أضمك وأحضنك مشتاق وأشواقي تزيد
وأعيش عمري حاضنك وأشوف ضحك المبسما
لو خيروني بالبشــر لا ماأبــي غيــرك وأريــد
كل البشر عندي هماج وانتي لروحي زمزما
قصر المحبة لا انبنى والساس من صلب وحديد
لو حاولوا كل البشر هدمه لايمكـــن يهدمــا
ما عاد أنا أتحمل غيابك عود يالــدر الفـريــد
الليل من عقبك سهر حتى نــهاري مظلمـا
لا تشتكي جور الزمن لا تقولي الحظ العنيد
ترى الزمن مهما قسى يجيــه يوم ويرحمـا
وان كان قصدك خايفة ياجعلني دونك شهيد
ترى حياتي فدوتـــــك لا ماتراجــع وأندمــا
لو وزعوا حبي لكي للناس لك عندي رصيد
قلبي ترى بيدك حلال ولغير يدك يـــحرمـــا
انا أحبك للأبد انتــــي لي الحـــب الوحيــد
انتي لعيني شوفها وانتي لجرحي مرهما
ببقى على حبك عسى ترجع وأضمك من جديد
ونعيش أنا وانتي سوا بأحضان بعض وننعمــا