يابحر ..فيني من الحزن :~

يابحر ..فيني من الحزن كثر مافيك

من ..حزن..وأوجاع..وغياب..وغرايب

لاتلومني إليا شفتني دايم أجيك

ولاشفتني دايم على الشط سارح

حزني كبير..أكبر من حدود شاطيك

وأقسى من جروح الزمان العطايب

وإن كان تنشدني فأنا مقدر أخفيك

دايم أظن ويطلع الظن خايب

في هالزمن أقرب حبايب يشقيك

إلين تدفع في غلاه الضريب

من بعد هذا يبتعد عنك ويجفيك

ما كنه بجنبك قضى الوقت طايب

وإلا الخوي إلى توقعت يفديك

يفديك عمره لا غدت بك نشايب

صد وتصد مايبي سمع طاريك

وياما أنت دونه أتعبتك الطلايب

لا تقول لي بدري وتوك ويمديك

وتعال وأسمع باقي الهرج صايب

خلك بحالك وأطلب الرب يهديك

ولا تنشد الى غاب وأين أنت غايب

وأن شفتني غايب عن حدود شاطيك

أعرف تراني تحت ذيك النصايب

وأعرف تراني دايم إذا ضقت بأجيك

لاني أنا والموج صرنا حبايب










^
الصورة من تصويري