آآه ياهالموت قلي ~~

..
..
..





رجع يسأل عن أخباري بعد غيبة سنه وشهرين
رجع شــــــايل وجع صدره وقال أرجوك واسيني






رجع كنه يحسبني سعيد بدنيتي أو زين
..وهو مـا يدري الدمعة لو تراخت تسليني..






دمع هالوجه..كنه جمع في غيبته جرحين
.. وأنا عيني بدت تدمع على حزنه وتبكيني..





يقول الدنيا خانتني وبعدك يا فلان سكين
ولا أحدن يا فلان غيرك يقدرني ويراعيني..





حبيبي ضقت بغيابك حبيبي حيل أنا مسكين
.. وأنا جيتك بهاليله وتكفـــــــــى لا تخليني..





و أنا.. لامن نطق تكفى عطيته لوطلب هلعين
..وأجود بكل ما يملك خفوقي وتملك إيديني..





وقلت: ابشر ولايهمك تدلل وش تبي يا زين
.. تراني فدوه عيونك لو إنك جيت تشقيني..





حبيبي لو تبي القمره عطيتك فوقها ثنتين
.. بعد لو تطلب النجمة ابنطق جيتك اضو يني..





بعد هذا ضحك و..بعثرت همومه سلهم الرمشين
.. وقـــــال الله يا الطيب وأنا ظنيت ناســـــــــيني..





صراحة.. حيل تحرجني يا طيب يا أطيب الغاليين
.. ولا ادري كيف بوفيلك حبيبي وأنت تعطيني..





بعد هذا تســــــــــامرنا وتواعدنا بعد يومين
.. ووصيته على قلبي وهو مثلي يوصيني..





تواعدنا على الجمعة ولا جاني إلى الاثنين
.. ومر أسبوع والثاني وشوقي يشتعل فيني..





تصدق عاد يا السامع !! ولا جاني الين الحين
.. وقبل تسأل عن أسبابه بجاوب وأنت واسيني..






لأنه مـــــــــات في حادث وأنا مت بغيابه لين
عرفت إني كذا ببقى ولا احد يقوى يحييني..



لامست احساسي ...