حبك لقلبي مملكـة ماخاشـرك فيهـا خشيـر‎ ~ْ

ياغاليه لـو الغـلا ينقـاس بالحكـي الكثيـر
والله ما اسكت لين يدري كل هالكـون بغـلاك
بس الغلا ياغاليـه شعـور واحسـاس كبيـر
لو اشرحه لك طال ليلك ماوصلت أخـر مـداك
بس اقربي قبل يهجدنا الليل بالثلـث الاخيـر
والوقت ضيق والزمان اللي حداني قـد حـداك
تعالي الليـل اولـه شمـوع واشيـاء ٍ تثيـر
مشاعـر ٍ يثيرهـا تغنجـك واحمـر شفـاك
وترفقـي ترانـي اتعـب لاتحركتـي واحيـر
مدري اتابع نظرتك والا اتعجـب مـن بهـاك
واضيع لاملتي غنج واسيـر لومانيـب اسيـر
واقوم واجلس واتخيـل راحتينـي مـن وراك
ياحلمي اللي كنت احلمه من وانا طفل صغيـر
جيتك وانا ماوالله اذكر شي احـلا مـن لقـاك
جيتك و قلبي لك يسابقني تقـول انـه يطيـر
امن الفرح يكفخ ما بين ضلوع صدري ويغشاك
شوفي يدينه طوقت جيدك كمـا طفـل غريـر
اغراه ثغـرك والنحـر ومبيسـم زود حـلاك
زينك يحرضني على اشياء كثيرة ميـر ميـر
ماودي اتهور معك وانـت التهـور مايخفـاك
لذا بسولف والسواف طعمهـا ذا الليـل غيـر
لو السوالف جلهـا يضيـع دام انـي معـاك
بس افهمني واسمعني لـو سمحتـي للاخيـر
مدام جوك لي صفا وانـا متيـم فـي رضـاك
حبك لقلبي مملكـة ماخاشـرك فيهـا خشيـر
ووصلك لقبي امينة ماقلتها لشخـص سـواك
وقربك لقلبي راحته والبعـد سـلال وسعيـر
يارحة اللي راحتـه لاهمّـل النـاس ونصـاك
بالمختصر واخر كلامي لو يحدد لـي مصيـر
انتي مصيري واسعد اللحظات لحظاتي معـاك





.